يا مساء الورد يا وردات
بموضوع اليوم راح اتكلم
عن حمرة , روج .. lip tint
من اكثر الاشياء اللي
اركز عليها وأحبها هو " الروج " لو ما احط مكياج بس أحط روج اعتبر نفسي
كشخت xD
عشان جذي اركز على جودته
ومنتج اليوم اعتبره من مفضلاتي 3>
روج الجوري من الماركة
الكورية Etude House
سبب تسميته بالجوري لان
ملمسه وشكله ناعم مثل وردة الجوري على الشفاة
متوفر منه 8 ألوان
طريقة استخدامه موضحة
بالصورة
تعصرين العلبة ويطلع
الروج بنص الاسفنجة وتحطينه على الشفايف وتدمجينه بواسطة الاسفنجة واستمتعي بمظهر
الشفاة الجورية
وهذي صورة توضيحية لعدة
استخدامات للروج
1) لشفاة صغيرة
2) لشفاة ممتلئة
3) لشفاة مبتسمة
تجربتي الشخصية :
حبيته .. لونه قوي و
أقدر أخففه و استخدمه بأكثر من طريقة وأكثر من مظهر
عندي لونين رقم 6 وردي
فاتح و 8 عنابي , مرات ادمجهم مع بعض
( احط الوردي على كل الشفاة والعنابي شوية من
داخل وادمجهم ) يطلع لي مظهر جديد حلو مثل هالصورة
وعلى حسب اذا خففت اللون
أو قويته يطلع لي شكل جديد
أما بالنسبة للملمس خفيف
ماحس اني حاطة شي علي بالعكس أحس كأني حاطه بودر ناعم
وهم بعد ريحته بودرية
هالروج من كثر ما أحبه
مرات اشح على نفسي فيه ههههه ما استخدمه الا اذا صج مشتهيته :$
هل راح اشتري منه بعد ؟
بكل تأكيييد .. وراح
اجرب الألوان الثانية ان شاءالله
وبجذي اكون خلصت موضوع
اليوم .. حاولت اختصرة كثر ما اقدر عشانكم
واللي ماجرب هل وده يجرب
؟ وشنو اكثر لون حبيتوه ؟
اي سؤال اكتبوه تحت
ملاحظة : جميع الصور من النت
الى اللقاء يا اصدقاء
.
شكله يجنن ، أتوقع راح اختار نفس ألوانج (الوردي و العنابي) ، و شكرًا بورا على هذا الموضوع الحلو و على جهدج الرائع <٤ بتوفيق يا حلوه
ردحذف