BB Cream طوال اليوم مشرقة مثل اللؤلؤة

 

 

صباح / مساء الجمال  

حياكم الله بمدونتي المتواضعة ^.^

 

بأول تدوينه راح اتكلم عن الـ BB كريم

 

 

شرح مبسّط عن المنتج :

الـ بيبي كريم هو منتج تجميلي طبّي , في بدايته كان منتج خاص لأصحاب العمليات الجراحية  يستخدمونه حتى يغطي مكان العملية ومع الوقت يخفي آثار العمليات بالجسم . يعني هو يغطي ويعالج في نفس الوقت ^^

 

لـ البيبي كريم أنواع وماركات منتجة مختلفة وجميعهم يختلفون بالوظائف عن بعض لان البشرات انواع وألوان ومافي كريم بالعالم يناسب جميع البشرات ! عشان جذي لازم اعرف اختار الكريم اللي يناسبني وينفعني.

بالنسبة لي جربت اكثر الانواع من ماركات منتجة مختلفة ولكن اكثر نوع ناسبني للأستخدام اليومي هذا النوع

 

 

هذا المنتج صناعة كورية من ماركة Etude House  

وظائفه :

•  واقي شمس
• تبييض
• توحيد لون
• تصفية بشرة ونضارة
• ضد التجاعيد
• غني بالمعادن وخلاصة اللولو

 

تجربتي الشخصية :

جداً مريح ! أول ما استخدمه لاحظت اللون رمادي شوي ولكن خلال الساعات الاولى يبدأ يتغير اللون ويندمج مع لون بشرتي ويبين طبيعي وجميل ويضيف نضارة للبشرة وبعد لاحظت انه مو ثقيل على البشرة رغم ان تغطيته ممتازة.

 

متوفر منه 4 درجات : البيج الفاتح (للبشرة البيضاء) – البيج الطبيعي (للبشرة الصفراء) – البيج العسلي (للبشرة الحنطية) – البيج الرملي (للبشرة السمراء) .

 

وهذي درجاته على الايد البيضاء .. طبعاً الايد البيضاء تاخذ افتح درجه وبعد الاستخدام راح يندمج اللون مع لون البشرة الاصلي ويوحّد اللون ويبدأ مفعوله بشكل لطيف ^^

 

بجذي اكون خلصت موضوعي اللي يطول شرحه ولكني حاولت اختصره بشكل مفيد ومبسط

 ان شاء الله تكونون استفدتوا ^^

اي سؤال عن المنتج تفضلوا اطرحوه بالرد وراح احاول افيدكم باللي اعرفه .

 

الى اللقاء في التدوينة القادمة مع منتج جديد وتجربة جديدة :)